VARKLIES, TWEE KEER IN DIE POT
Dié tegniek, waar jy ’n gaar varklies platdruk voor jy dit glaseer, maak die vleis maklik om mee te werk en o, so lekker!
Genoeg vir 4–6 • Bereidingstyd: 50 minute, plus verkoeltyd oornag Gaarmaaktyd: 3½ uur Oondtemperatuur: 160 °C
• 1,5kg ontbeende varklies, vel verwyder (sien kassie)
• sowat 15ml olyfolie KOOKVLOEISTOF
• 1 klein ui, grofgekap
• 3 knoffelhuisies, gekneus
• 5ml elk vinkel- en koljandersaad, gerooster
• 3 takkies origanum
• ’n knyp rissievlokkies
• 500ml natuurlike soet wyn
• 100ml wit balsemiekasyn GLASEERSEL
• 250ml kookvloeistof
• 30ml heuning
• 15ml worcestersous
• ’n skeut vissous (opsioneel)
1 Voorverhit die oond tot 160 °C. Sny die varklies in kwarte en pak knus in ’n oondpan. Voeg die kookvloeistof-bestanddele by, maak toe met ’n deksel of foelie en rooster vir 3 uur.
2 Haal die vark uit die oond en laat dit afkoel. Lig die vleis uit die kookvloeistof (dié gooi jy deur ’n sif en hou eenkant) en sit dit op ’n bord wat met kleefplastiek uitgevoer is. Bedek met nog ’n laag kleefplastiek en sit nog ’n bord of ’n kapplank bo-op; druk dit verder plat met blikkieskos. Verkoel dié stapel oornag.
3 Maak die glaseersel Meng al die bestanddele in ’n klein kastrol en laat dit kook oor hoë hitte; roer totdat dit met die helfte ingekook het.
4 Glaseer die vark Sny elke platgedrukte vleiskwart in drie stukke sodat jy 12 stukke het. Verhit die olie in ’n swaarboompan en braai die vleis tot oraloor bruin. Smeer met die glaseersel en soteer tot gekaramelliseer.
5 Sit die taai varklies voor met knoffel-kapokaartappels, brosgebraaide kekerertjies en growwe tzatziki met pitabrood vir ’n Griekse fees. Of kies jou gunsteling-stysel: Romerige kapokaartappels, polenta of pap smaak vorentoe saam met die taai vark en geroosterde groente of slaai daarby.