Oktober-flitse
1–5: Deel die pret by die Mariki-mark by die Marietjie-skool in Secunda. Toegang is gratis, so bring die hele gesin om die handgemaakte produkte en tuisgemaakte lekkernye te geniet. Skakel 082 410 0306 vir nog.
5–6: Besoek die Italiaanse Klub in Kaapstad vir alles wat Italiaans is – kos, wyn, mode, motors ... Geniet die proeë en kookdemonstrasies. Kaartjies kos R80 vir volwassenes, R55 vir pensioentrekkers en skoliere, en kinders onder 12 gaan gratis in. Skakel 021 511 5956. 11–13: Hyde Park Corner in Johannesburg se dak word weer omskep in ’n lus vir die oog tydens die Sanlam Handmade Contemporary Fair, met innoverende ontwerpe deur voorste kreatiewe geeste. Skakel 011 447 3868. November se Tuis is op die rakke! 14:
19–20: As jy in eiendom wil belê, of wil verkoop of huur, is die Johannesburg Property Buyer Show by die Sandton-uitstalsentrum vir jou. Hier vind jy die grootste eiendomshandelsmerke, ontwikkelaars en meer onder een dak. Kry jou kaartjie by quicket.co.za teen R80. Besoek thepropertyshow.co.za.
25–27: By die 4de jaarlikse Art Franschhoek kan jy uitsien na ’n naweek van kuns en uitstallings. Drentel deur die galerye langs
Franschhoek se hoofweg, of besoek plaaslike wynplase met skouspelagtige kunsversamelings. Sien franschhoekart.co.za vir die volledige program.
26: Vanjaar vier Algoa FM 21 jaar van die Big Walk for Cancer in Port Elizabeth. Bring hulde aan enigeen wat deur dié siekte geraak word deur deel te neem aan die wedloop. Dit begin by die Boardwalk. Sien meer by algoafm.co.za. 29 Okt.–1 Nov.: Doen jou Kersinkopies
vroeg by die Delmas-Kersmark in Mpumalanga. Snuffel deur ’n verskeidenheid handgemaakte geskenke terwyl die kinders speel. Skakel 082 928 4317.
29 Okt.–2 Nov.: Koop handgemaakte mooigoed by die Marktfees in Port
Elizabeth. Bring die hele gesin vir heerlike lekkernye en meer. Toegang kos R20. Skakel 083 321 5118.
29 Okt.–3 Nov.: KAMERS/Makers Stellenbosch is terug by Blaauwklippen Vineyards waar meer as 160 uitstallers hul dekor, ontwerp en kunsvlyt aanbied. Koop jou kaartjie aanlyn teen R70 by plankton.mobi of R95 by die ingang. Besoek kamersvol.com.