Elke stroombreker is vir ’n bepaalde stel ligte in die huis; ons kan verskeie stemmings skep met dié boks. – Paul
Dit was ’n uitdaging om al die meubels en dekor wat twee huishoudings oor jare versamel het, saam te voeg; daarom het Paul, Loraine en Karin ’n “dekorkomitee” gestig met Paul aan die stuur van sake. “Al drie van ons versamel sentimentele stukke en ons gehegtheid aan sekere goed het ons gelei. Ons het sleutel-items gehou en dit aangevul met nuwe, pasgemaakte kopies,” sê hy.
Onder die spesiale stukke is ’n 4,5 m lange eetkamertafel (oorspronklik ’n drukkerstafel van Kimberley wat by ’n antiekwinkel op Bergville in die Vrystaat gekoop is; sien bladsy 27), Loraine se ou slagterstafel met sy gietysterpote wat nou as kombuiseiland dien en die kombuis en rakeenhede se voorkoms geïnspireer het, en ’n ou gereedskapskas wat aan Paul se pa behoort het. Laasgenoemde is afgeskuur en dien nou as ’n drankkabinet.
’n Versameling emalje-naamborde gee die dekor ’n speelse kinkel. “Party is by Bellbottoms in Pretoria gekoop, en ander het ons gekry by familie, vriende en selfs vreemdelinge op soek na ’n goeie huis vir ’n eensame kennisgewingbord,” sê Paul en lag. Om die prentjie te voltooi het hy staal-elemente deur die kunstenaar Jan Vingerhoets van ReDeux op Baardskeerdersbos laat pasmaak. Dit sluit suigwaaiers in die kombuis, die twee kaggels (genaamd Remus en Romulus) en ’n paar lig-passtukke in.
Drie jaar later bly Paul, Loraine en Karin heerlik in hul droomhuis. Die huis heet “In the End”, ’n verwysing na Lewis Carroll wat gesê het: “In the end, we only regret the chances we didn’t take, the relationships we were afraid to have, and the decisions we waited too long to make.” >>
Pleks van gewone skakelaars by ingange word die beligting in die oopplan-leefarea beheer met ’n teater-skakelkas. Kombuistafel en bankies van Bellbottoms
Die driestuks kuier graag buite saam met familie en vriende, veral in die somer. Die eettafel is ’n ou slagterstafel wat Loraine by gesinsvriende gekry het. Jan Vingerhoets het die hanglig met die hoepels en LUD-ligte ontwerp. Globe-stoele van Bellbottoms
Paul en Loraine het besluit op ’n oopplan-en suite om ruimte te bespaar en al die natuurlike lig in die vertrek te benut. Bo die bed verskaf ’n muskietnet oor ’n houtraam ’n romantiese gevoel. ’n Plafon van riete en populierhout verskaf warmte. Muskietnet van Kiwi Net; bedsprei van Oriental Plaza; die mat is ’n erfstuk
In die en suite-badkamer kontrasteer die pootjiesbad pragtig met die ontblote koper-waterpype. ’n Laboratoriumwasbak is op ’n voetstuk met ’n blad van behandelde hout gemonteer. >> Bad van Victorian Bathrooms
Geskiedkundige leiwatervore word vandag nog op Stanford gebruik en voorsien op dié erf water aan die wingerd, boord en kombuistuin. The Kwaai Bridge Over the River, ’n spesiale skepping deur Jan Vingerhoets, is gemaak van pikke se koppe, ’n trekkerwielboog en ’n ou heiningpaal. Die twee slaapkamers in die hoofhuis is in ’n aparte vleuel, weg van die leefareas, wat op die binnehof oopmaak.
KONTAKTE EN VERSKAFFERS Bellbottoms 012 333 2116 Cape Stone 028 312 2331, capestone.co.za Dargle Valley Pottery 082 420 7729 Esra Bosch 082 823 7591 esrabosch.co.za Forest Creations 021 703 7082 forestcreations.co.za Italoven 021 981 1372, italoven.co.za Kiwi Net 028 341 0209, kiwinet.co.za Le Creuset 086 177 3321, lecreuset.co.za Lindsay Scott 082 682 6294 Oriental Plaza 011 838 6752, orientalplaza.co.za ReDeux 081 033 0899, redeux.co.za Schalk Pienaar 083 480 4948, capearchitect.com Victorian Bathrooms 021 761 4850, victorianbathrooms.co.za
Voëlvoerders van Dargle Valley Pottery hang in die populierlaning tussen die hoofhuis, kothuis en garage.