TYD VIR IETS NUUTS
Milestone Kitchens se veelsydige losstaande eenhede hou jou kombuis byderwets – en skep ’n praktiese, hardwerkende ruimte.
Kort jou kombuis ’n nuwe baadjie? Met vandag se immer veranderende neigings en die klem op buigsaamheid is ’n dinamiese kombuis wat by jou behoeftes, ruimte en styl kan aanpas ’n moet – en Milestone Kitchens het die oplossing.
Uniek aan Milestone Kitchens is dat jou kaste nie teen die mure vasgesit word nie. Daarom kan jy dit verander en aanpas by jou gesin, jou huis en jou begroting. Elke meubelstuk word sorgvuldig gemaak uit ’n kombinasie van soliede hout en Supawood, en kan in die kleur van jou keuse geverf
word of geskuur en oorgeverf word indien jy oor ’n paar jaar ’n verandering soek. In ’n gewone kombuis sou dit moeilik wees omdat die eenhede onskuifbaar is en aan mekaar én die muur vas is.
Die kombuis hierbo spog met drie aparte eenhede: ’n hoek-, wasbak- en muureenheid wat almal met wit verf vernuwe is. Die werkblaaie van soliede hout is ook afgeskuur en oorgeverf. Dié aanpasbaarheid beteken nie net jy kan na hartelus meng, pas, rondskuif en verkoop nie, maar jy kan jou kombuis ook só verander dat dit perfek by die res van jou huis inskakel namate dit oor die jare verander. En danksy die veelsydige ontwerpe kan jy die eenhede gebruik soos en waar dit jou pas.
Noudat al hoe meer mense oopplanruimtes verkies, is Milestone Kitchens se eenhede ideaal omdat dit volgens jou bepaalde behoeftes gemaak word. Besoek milestonekitchens.co.za om al die reekse te sien, klik op die styl waarvan jy hou en kies die toepaslike eenhede. En moenie vergeet van die aanlyn-beplanner nie – dit sal jou help om jou kombuis na jou smaak uit te lê.