DEKOR
Oorweeg ’n bedlampie met ’n basis van satynchroom of glas, en ’n patroon-lampkap wat skakerings van blou en groen bevat. Vervang die gordynreling met een in satynchroom en hang nuwe gordyne in ’n tekstuurryke wit, blou of groen lap, of kies bedrukte lap met al daardie skakerings.
Jy kan die hooflig maklik vervang met ’n mooi hanglamp of kandelaber. As jy iets meer eenvoudigs wil hê, laat gesonke plafonligte installeer deur ’n elektrisiën.
Kry ’n groot mat vir warmte onder die voete (teëls kan koud voel) en plaas ’n gemakstoel in een van die hoeke. Rond die prentjie af met mooi prente in rame van ligte hout, hang ’n spieël (verkieslik vollengte) en bring ’n plant in vir ’n bietjie groenigheid.