Lychnis coronaria

Plantgids

Son tot halfskaduwee Redelik droogtebestand Rypbestand

Groei sowat 75cm hoog en 45cm wyd

Vir ’n meerjarige in ’n roosbedding is Lychnis coronaria met sy perspienk blomme ’n goeie keuse; of kies

L. coronaria ‘Alba’ met sy wit blommetjies. Die plant is polvormend met blomme wat op lang stele bo die silwergrys blare uitgroei.

Plant of saai dit in grond wat goed dreineer – dit groei baie maklik in feitlik enige grondtipe en het nie veel aandag nodig nie.

Lychnis coronaria blom in die somer vir maande aaneen en selfsaai oorvloedig. As jy dit eers eenmaal in jou tuin het, sal daar elke jaar net nog meer opkom. Los dit net so, want dis juis treffend as ’n groot groep hiervan bymekaar groei; of verplant elders in die tuin. Dit is ook ’n goeie plukblom.