Maalvleismuffins

Onder R105

• Maak 6 reusemuffins Bereidingstyd: 15 minute • Gaarmaaktyd: 30 minute Oondtemperatuur: 180 °C

• 500g maalvleis

• 1 mediumgroot murgpampoentjie, grofgerasper

• 1 knoffelhuisie, fyngekap

• 5ml worcestersous

• 5ml Dijonmosterd

• 60ml panko-krummels

• vleisspeserye na smaak

• 200g ricottakaas

• 60ml gerasperde cheddar

• 1 eier

1 Voorverhit die oond. Spuit die holtes van ’n reusemuffinpannetjie. Gebruik twee vurke en meng die maalvleis en murgpampoentjie, knoffel, worcestersous, mosterd en krummels liggies; geur na smaak met die speserye. Verdeel die mengsel tussen die holtes van die muffinpannetjie.

2 Meng die ricotta, cheddar en eier, skep bo-op die vleis en druk stewig vas. Bak nou vir sowat 30 minute tot die vleis gaar en die bolaag goudbruin is. Laat effens afkoel in die pannetjie voor jy dit uitkeer. Sit voor met nacho’s, guacamole en salsa.