Januarie-flitse

1: Gelukkige Nuwejaar!

1–31: Besoek Stellenbosch Hills vir ’n Polkadraai-&-Popcorn-paring in die Wynland. Proe vier Polkadraai-wyne, van ’n sauvignon blanc-vonkel tot ’n pinotage/merlot-versnit, saam met gourmet-springmielies van Guzzle & Wolf. Kaartjies kos R55. Skakel 021 881 3828 of sien stellenbosch-hills.co.za.

2: Kom luister na Watershed by die Music Kitchen in Port

Elizabeth. Kaartjies kos R180 per persoon by quicket.co.za. Skakel 041 364 1964 vir besonderhede.

2–12: ABBA-liefhebbers kan uitsien na ’n produksie deur internasionaal bekroonde ABBA-nabootsers by die Sibaya Casino in

Durban. Geniet twee uur se pret en dans met ’n orkes, replika-kostuums en asemrowende beligting. Kaartjies kos R250 per persoon by online.computicket.com.

10–11: Tof jou op in ’n elegante blou-en-wit uitrusting vir die jaarlikse L’Ormarins Queen’s Plate Racing Festival. Dis ’n twee dag lange fees van vinnige perde, topmodes en voorste vermaak by die Kenilworth-resiesbaan

in Kaapstad. Besoek lqp.co.za vir inligting.

13: Februarie se Tuis is op die rakke.

23–29: Geniet ’n aand by die Brooklyn-teater in Pretoria vir ’n opvoering van Mozart se tydlose opera Die towerfluit deur die Salon Music-produksie maatskappy. Kaartjies by ticketspace.co.za kos R230 vir volwassenes; studente en kinders betaal R170.

25: Die wynlandgoed La Motte se program van klassieke musiek begin met A Night in Vienna.

Die Oostenrykse pianis Cornelia Herrmann lewer ’n uitvoering van Weense werke deur onder andere Mozart en Schubert in die pragtige historiese kelder op Franschhoek.

Kaartjies kos R230 per persoon. Bespreek by la-motte.com of skakel 021 876 8000.

26: Verken die natuur tydens die Sani Pass Wild Flower Walk in KZN saam met Elsa Pooley as spesiale gas-plantkundige. Dit kos R525 per persoon, en die prys sluit vervoer in 4x4voertuie, begeleiding deur vrywilligers en plantkundiges asook ’n staptog op die Lesothoplato in. Fondse word gebruik om onderwysers in die omgewing te borg. Skakel 033 702 0330 om te bespreek.