Regruk met Flair 2020 Skryf in en wen jou deel van R100 000!
Is jy ’n kranige opknapper? Dan is dié kompetisie vir jou!
Of jy ’n gesoute opknapper of ’n groentjie is wat nog nooit self ’n troffel vasgehou het nie, nou is jou kans om in te skryf vir ons gewilde Regruk met Flairkompetisie in vennootskap met Paint Master!
Dié jaarlikse kompetisie is ’n hoogtepunt op die Tuis-kalender, want dit gee lesers die kans om behoorlik te spog met hul handewerk.
Verlede jaar het die kompetisie ’n nuwe kinkel gekry toe ons drie kategorieë aangekondig het. Jy het seker die indrukwekkende wen-inskrywings vroeër in dié uitgawe gesien, maar kyk weer.
Dink jy jy kan hulle dit nadoen, of selfs daarop verbeter? Want vanjaar maak ons weer so, en ons wag vir jou inskrywing. Wie weet, dalk is jy een van ons opknappers van die jaar!
1 SELF GEDOEN
Dié kategorie is vir enigeen wat minstens 50% van die werk self aangepak het. As jy nie skrik vir mure uitbreek, teëls lê of ’n sementvloer gooi nie, is dié kategorie vir jou. Onthou, jy moet ’n uiteensetting van jou uitgawes voorlê en kan wys wat jy met jou eie hande verrig het. Dis waar jy kan spog met jou harde werk en durf!
2 UIT DIE BOKS
Beskou jy jouself as ’n vernuwende denker met die slag om iets ongewoons te skep? Dalk is dit ’n eko-huis, ’n toerbus of ’n buitekombuis ... Skryf dan vir dié kategorie in. En nee, dit maak nie saak of jy self die werk gedoen het of net die projek beplan en bestuur het nie.
3 O, SO MOOI
Het jy tien duime of ’n vrees vir kraggereedskap – maar jy het wel ’n lieflike opknap bestuur? Oorweeg dan dié opsie. Selfs as ’n kontrakteur 100% van die werk gedoen het, staan jy ’n kans om dié kategorie te wen, solank jy vir die beplanning, projekbestuur en finansies verantwoordelik was.
SKRYF SÓ IN
• Besoek fixit.tuis.co.za en volg die aanwysings.
• Neem foto’s van jou projek, sover moontlik in natuurlike lig.
SLUITINGSDATUM Dinsdag 30 Junie 2020 om 12:00
Sukkel jy om in te skryf? Stuur e-pos na Amy.Johnson@media24.com of skakel 021 406 3825.
NUUT IN 2020!
Met Paint Master – die skeppers van die gewilde Tjhoko Paintkrytverfreeks – aan boord, kry die eerste 150 inskrywings wat ons in vanjaar se kompetisie ontvang ’n gratis verf- en kleurkonsultasie met die komplimente van Paint Master! Of dit nou ’n fokusmuur of jou huis se dak is, die kenners by Paint Master het raad. Kry inspirasie by paint-master.co.za.