HET JY GEWEET?
Volg dié wenke om die grootste nut uit gumtree.co.za te kry – en seker te maak jy verkoop in ’n kits!
JOU LIGGING MAAK SAAK
Dis dalk voor die hand liggend, maar potensiële kopers moet weet waar jy is. Dis belangrik om jou ligging aan te dui – indien mense in jou omgewing nie jou advertensie kan sien nie, kan jy moontlik minder terugvoer daarop kry.
WAT SÊ ’N NAAM?
Gumtree-soektogte gebruik die sleutelwoorde in jou advertensie se opskrif. Kies spesifieke sleutelwoorde om seker te maak jou advertensie kom by soveel moontlik kopers uit. Op Gumtree kan jy tot 100 karakters gebruik. “Rusbank te koop” is nie verkeerd nie, maar jy sal beter resultate kry met meer inligting. Probeer liewer “Baie gemaklike driesitplekrusbank te koop. Herstoffeer. Baie min gebruik. In uitstekende toestand.”
’N FOTO SPREEK ’N DUISEND WOORDE Mense wil presies sien wat jy te koop aanbied. Advertensies met foto’s kry groter aftrek; gebruik goed beligte foto’s van goeie gehalte. Dit kos niks om foto’s by jou Gumtree-advertensie te plaas nie – plaas gerus meer as een.
KIES DIE KATEGORIE VERSIGTIG
Dis belangrik dat jy jou advertensie in die regte stad en kategorie adverteer. As jou advertensie verkeerd gelys is, kan kopers dit moeilik vind. Gaan jou kategorie na, en maak ook dubbel seker jy lys dit in die regte omgewing.
HOU JOU ADVERTENSIES DOP
So, jou advertensie het fantastiese foto’s, ’n opskrif wat die oog vang en jou ligging en kategorie is reg. Kant en klaar, of hoe? Nog nie. Indien belangstelling begin opdroog, kan jy jou advertensie ’n hupstoot gee met Top Ads. Dié advertensies kry gemiddeld drie keer meer belangstelling, teen ’n koste vanaf R7 per dag.