Tuine vir vriendskap
PLANT ’N PAAR POTTE
Tuine en tuinmaak het talle voordele, soos om ons liggaamlike en geestelike welstand te verbeter – en wat is nou belangriker in hierdie onseker tye wat ons wêreldwyd beleef? Tuinmaak help ons om sosiale bande en vriendskappe met ander te smee, hetsy deur steggies en plante uit te ruil of by ’n aanlyngemeenskap aan te sluit waar mense hul tuine met ons deel. Hoekom nie die stiller wintermaande gebruik en ’n nuwe sypaadjietuin of ekovriendelike randakker beplan wat jy in die lente kan aanplant nie? Probeer dié idees:
Gillian Eva
Helder jou tuin, stoep en ingang op met kleurryke potplante. Plaas vertikale plante in die middel van die pot met tuimelende plante daarrondom om die rande te versag, en voltooi die prentjie met vullerplante tussenin. Speel na hartelus met een kleur of gemengde skakerings, of kies kleure wat kontrasteer.