Ludwig se rooshoekie
‘Deloitte & Touche’
Annemarie van Wyk van Pretoria skryf Ek het ‘Forever Delight’ in potte geplant en dit kry baie middagson. Tydens die afgelope twee warm somers het dit nie goed gevaar nie, al het ek elke dag natgemaak.
Ludwig antwoord ‘Forever Delight’ vra volson om sy kleure op hul mooiste te vertoon, maar dis moontlik dat jou rose se wortels in die direkte middagson te warm geraak het, veral as dit in plastiekpotte geplant is. Maak seker dat die water goed dreineer en dien een keer ’n maand Vigorosa toe. ’n Ander opsie is om ’n verhewe bedding te maak met genoeg organiese materiaal daarin vir goeie dreinering; plant die rose daarin uit. Die
wortels sal dan koeler wees, veral met ’n deklaag bo-oor.
Jennifer Simmons van Oos-Londen skryf
Eerstens het jy die regte rose gekies; floribunda-rose is bosagtig en blom oorvloedig, daarom staan hulle mooi uit teen grasse. Kies kompakte, laaggroeiende grasse wat nie vinnig versprei nie en ’n smal halm het soos baie van die Carex-variëteite (Carex ‘Amazon Mist’ en ‘China Blue’). Onthou, jy sal die gras gereeld moet wegsny sodat die rose plek het om te groei; en wanneer jy jou rose in die winter snoei, hou die stele lank genoeg dat dit bo die gras kan uitsteek en die son vang ten einde uit te loop en te blom.
ludwigsroses.co.za