Daar’s water!
Carin de Jager van Roodepoort skryf Ons is gereelde Tuis-lesers, want dis ’n groot bron van inspirasie. Nadat ons ’n buitestort in die Desember-uitgawe gesien het, het my man, Gerrie, besluit om sy hand te waag aan ’n buitestort op ons eie werf. Hy het ou merantideurrame uitmekaargehaal en die planke geskaaf, geskuur en aanmekaargelym; dit bedek nou die waterpype wat in die muur ingebed is. Vir die vloer het hy paletplanke gebruik en dit met merantibeits geverf. Die muur aan die regterkant is ook met paletplanke beklee.
Ons is vreeslik in ons skik met die resultaat.