Skink ’n glasie

4: Stellenbosch

Eikendal-wynlandgoed vier die einde van die oes met ’n Weintaufe-fees in egte plaasstyl. Geniet die dag met uitstekende wyn, kosstalletjies, druiwetrap en lewende vermaak! Kaartjies by die hek kos R120 (’n glas en proeë ingesluit); kinders onder 18 kan gratis ingaan. Skakel 021 855 1422 of e-pos marketing@eikendal.co.za vir nog inligting.

23: Kampsbaai, Kaapstad

Die Twelve Apostles Hotel and Spa bied ’n Warwick Food and Wine Dinner aan met Norma Ratcliffe, ’n baanbreker in die wynbedryf. Leer meer oor die geskiedenis van die Warwick-landgoed terwyl jy jou verlustig aan kos en wyn uit die boonste rakke. Bespreek jou plek teen R695 by 021 437 9029 of e-pos restaurant@12apostleshotel.co.za.

29: Umhlanga, Durban

Sluit aan by die wynmaker John Loubser vir die Silverthorn MCC Dinner by die Oyster Box-hotel. Geniet ’n proesessie met canapés en ’n ete met jou gunsteling-Méthode Cap Classique. Kaartjies kos R690. Skakel 031 514 5000.