PLEISTER SOOS ’N DESKUNDIGE
WENKE VIR ’N SUKSESVOLLE DOEN-DIT-SELF-PROJEK
Wil jy ’n kaal baksteen- of sementmuur nuwe lewe gee? Pleisterwerk is nie net vir die deskundiges nie; met die regte materiale en ’n paar handige wenke van die kenners, kan jy dit in ’n lekker doen-dit-self-projek omskep. Hier is ’n paar riglyne om seker te maak dat jy ’n vlak van afwerking kry om op trots te wees. VEILIGHEID
Die eerste stap in die beplanning van enige doen-dit-self-bouprojek is veiligheid. Tref die nodige voorsorgmaatreëls: • Dra altyd beskermende klere, stewels, handskoene en ’n veiligheidsbril, want sement
kan die vel en oë irriteer • Was sement dadelik van jou vel af met water en ligte seep • Spoel die sementstof deeglik uit jou oë met kraanwater
WAT JY BENODIG GEREEDSKAP:
Graaf, kruiwa, bou-emmer, staaltroffel, rei, waterpas, pleisterbord en ’n terugwasborsel.
MATERIALE:
Lafarge DuraBuild 32,5N-sement, gewaste pleistersand en skoon kraanwater;
OF:
Vir gerief en minder vermorsing, bestel jou pleister in Lafarge se EkhayaBag. Die gehalte van hierdie produk is gewaarborg en dit is vooraf gemeng en gereed om te gebruik. Ons kan die 500-litersak by jou eiendom aflewer.
DIE MAAK VAN ’N GOEIE PLEISTERMENGSEL
Vir pleister met ’n gladde afwerking, maak seker dat jou materiale en mengoppervlak skoon is:
• Verwyder enige knoppe, organiese materiaal en ander onsuiwerhede uit jou pleistersand
• Gebruik ’n skoon, harde oppervlak vir die mengsel, of meng kleiner hoeveelhede in die kruiwa
• Meng een deel per volume DuraBuild met 6 dele pleistersand totdat ’n eenvormige kleur verkry word (bv. ’n vol kruiwa = 2x50 kg-sakke sement)
• Maak ’n holte in die middel van die hoop mengsel
• Gooi water in die holte (maar nie te veel nie!) en roer totdat dit ’n pasta is
PLEISTER VAN DIE MUUR
• Die sleutel tot sukses is die regte tekstuur en dikte van die pleistermengsel. Dit moet nat genoeg wees om maklik met ’n troffel te smeer – dink aan botter wat op roosterbrood gesmeer word. DuraBuild- en EkhayaBag-pleistermengsel is geformuleer om gebruikersvriendelik te wees en professionele resultate te lewer
• As jy ’n kleibaksteenmuur pleister, maak die muur eers nat met ’n borsel; dit is nie nodig vir sementbaksteenmure nie
• Plaas ’n klein hopie mengsel op die pleisterbord en skraap daarvan op die staaltroffel. Gooi of wend dit aan in ’n opwaartse beweging teen die muur
• Pleister klein areas op ’n slag, maar probeer om die hele muur te pleister sonder laste.
• Sodra die pleister begin styf word, skraap ’n reguit plank met ’n saagaksie oor die area om ’n plat oppervlak met ’n growwe tekstuur te verkry
• Om ’n gelyke oppervlak te kry, maak die muur klam met ’n blokborsel terwyl jy ’n reihout gebruik om die pleister met ’n borselaksie gelyk te skraap
• Vir ’n gladder afwerking, herhaal met ’n staalrei
• Keer dat die pleister uitdroog en kraak deur gereeld water in ’n fyn sproei aan te wend. Beskerm buitemure teen direkte sonlig met ’n skerm, velle plastiek of skadunet
• Laat 7 dae toe vir die pleister om te verhard en versterk voordat jy die muur verf