Vis en groente
Onder R130 • Genoeg vir 4 • Bereidingstyd: 20 minute Gaarmaaktyd: 20 minute • Oondtemperatuur: 200ºC
• 8 jong preie, in die lengte in kwarte gesny en goed gewas • 200g jong groenboontjies, in die helfte gesny • 200g kersietamaties • 2 knoffelhuisies, fyngekap
• 45 ml olyfolie • 4 ferm witvisfilette, elk in twee gesny • gerasperde skil van 1 suurlemoen • 2 hande vol babaspinasie
1 Meng die preie, boontjies, kersietamaties en knoffel met 30 ml van die olyfolie en braai in ’n warm pan totdat die groen groente begin kleur kry en die tamaties begin bars.
2 Maak seker die vis se vel is verwyder en dat daar geen sigbare grate is nie. Voeg die res van die olie by die groente in die pan, sit die vis bo-op en strooi die suurlemoenskil oor. Sit die deksel op en laat stoom totdat die vis gaar is. Geur met sout en varsgemaalde swartpeper. Sit voor met die spinasieblare en suurlemoenwiggies. Vir ’n meer vullende ete, sit ook kapokaartappels, of gekookte baba-aartappels met ’n lepel romerige mayonnaise, daarby voor.