Stoepplant van die maand
‘Gretel’-eiervrug
Met sy mooi mauve blomme en trosse blink, wit langwerpige vrugte is die eiervrug ‘Gretel’ so mooi soos enige blommende stoepplant. Die klein plant is ontwikkel vir potverbouing en die mini-vrugte (10–15 cm lank) is binne 55 dae gereed om gepluk te word. Oes die trosse eiervrugte gereeld vir maksimum vrugvorming. Die plante moet in ’n groot pot staan op ’n plek wat oggendson en middagskadu kry. Maak in die somer elke dag nat en dien twee keer ’n maand ’n vloeibare misstof teen halfsterkte toe. KONTAK ballstraathof.co.za