MAMMOET van ’n Merc
Toe ons hoor die meesterbouers van AluCab het ’n Mercedes Unimog onder hande, het ons gaan kyk hoe dié trok in ’n magtige maar luukse bostrok omskep is.
D ie manne van Alu-Cab het al ’n paar Mercedes Unimogs onder hande gehad, maar die jongste een was die mees gevorderde en ingewikkeldste projek tot dusver. Operasionele direkteur Warrick Lesley het vir
Evan Naudé meer vertel.
Hoe lank het die projek geneem om te voltooi?
Té lank. Veertien maande, maar daar was heelwat vertragings.
Wat is uniek aan hierdie spesifieke projek?
Die luik tussen die kajuit en die bak, en die motorfietshyser. Die luik was ’n eerste vir ons, en dit was ’n stryd. Ook om die lugversorging sonder ’n kragopwekker te laat werk, daarom die ingewikkelde elektronika.
Wat was die moeilikste ding om te bou?
Dis ’n taai keuse. Die luik tussen die kajuit en die bak, veral omdat dit aan sekere veiligheidskriteria moes voldoen.
Ons hoor die elektronika is besonders. Wat is uniek daaraan en hoeveel het dit gekos?
Ons het al ’n paar stelsels soos dié gebou, met dieselfde digitale beheerstelsel, want dit laat ons toe om vloeistofvlakke akkuraat te bestuur en dit tussen tenke te kan oordra.
Ons kan ook kies hoe en waar
ons tussen verskillende stroombane wil ruil.
Hierdie spesifieke stelsel is meer omvattend omdat ons die lugverkoeling sonder ’n kragopwekker laat werk, dus moes ons ’n nagprogram in die stelsel hê wat die 220V-stroombaan beheer om te verhoed dat die batterybank beskadig word.
Die lekker ding van dié stelsel is dat dit eintlik relatief eenvoudig is. Sou ’n fout voorkom wat nie reggemaak kan word deur fout-opsporings op die planne nie, kan ’n mens met ’n satelliet-verbinding ondersoek doen en hopelik die fout só oplos.
Die stelsel se koste was sowat R800 000.
En wat was die totale koste van die projek?
Met die aankoopkoste van die Unimog ingesluit het die projek R3 850 000 beloop.
Só ombouing hang natuurlik af van jou spesifikasies, en hierdie voertuig is ten volle op bestelling gebou.
Wat is binne?
• 1050 Watt-sonpanele • 4m Fiamma F45-sondak • Dometic onderbank-lugversorger • Gasstoof binne en buite • Geiser • Motorfietshyser en spaar-wielplatform • 8 x 6V 200Ah-batterye vir ’n 24V-batterybank • 1 x 12V 225Ah-battery • 2.5kW 220V-omskakelaar • Vitrifrigo-yskas/vrieskas • National Luna 80L-vrieskas • Ysmaker • Mikrogolf • Gasoond • Dubbelbed • Binne- en buitestort • Toilet • Alarmstelsel met bewegingsensors en deurmagnete • Afstandbeheerde veiligheids-beligting • Waterfilter • 3 x dieseltenks met ’n totaal van 450 liter diesel • 280 liter-watertenk • Voorsiening vir TV- en satel-lietverbinding