WAT JY MOET WEET
HOEKOM MOET EK GAAN?
OP DIE ROETE
OM DIE ROETE
Die gebied het pragtige berge, mooi uitkykpunte, ’n groot verskeidenheid voëls en ’n asemrowende naghemel.
Hoe lank is die roete? Sowat 40 km, wat 4-6 uur duur. Maksimum getal voertuie? 20 per groep wat ’n heksleutel deel, of 6 individuele voertuie per dag. Kry ek ’n kaart? Ja, by die ontvangskantoor by Meiringskloof. Sal my kar gekrap word? Dis onwaarskynlik. Moet ek my treeplanke afhaal? Ja.
Moet ek my eie kompressor saamvat? Ja. Kan ons langs die roete braai? Ja, maar net op aangewese plekke. Kan ek halfpad omdraai? Ja, op verskeie punte. Sal ons wild sien? Wild is nie die grootste trekpleister in Didibeng nie, maar jy sal waarskynlik ’n paar blesbokke sien, en dalk ’n ribbok of ’n duiker.
Beste tyd om te gaan? Deur die jaar, maar die veld is in die somer die mooiste. Onthou egter dat somerreën die roete onrybaar kan maak. Bel dus om seker te maak. Kan ek my gesin saamvat? Ja. Net vir die dag of die naweek? Dagroetes is moontlik, maar ’n naweek is
ideaal.
Is hier ablusiegeriewe vir dagbesoekers? Ja. Wat is hier nog om te doen? Aktiwiteite sluit in bergfietsry, stap, voëlkyk, swem, perdry en abseiling. Kry ’n permit om in die munisipale dam te hengel vir baars, karp en forel. Lesotho is net 11 km ver en mense bly dikwels in Meiringskloof en onderneem daguitstappies na AfriSki (95 km) of Katse Dam (100 km). Die naaste dorp en vulstasie? Fouriesburg (2 km). Hoe kom ek daar? Ry na Fouriesburg en draai af in Robertsonstraat. Draai links by die T-aansluiting en volg die pad na die ontvangskantoor van Meiringskloof.
GPS-koördinate: Meiringskloof-ontvangs: S28.60420 E28.22438
VERBLYF
Daar is verskeie verblyfkeuses in die Meiringskloof-natuurpark ( 058 223 0067) en in die Didibeng-bergpark.
KOSTE
R95 per voertuig, plus ’n R100-deposito vir die sleutel
KONTAK:
Ann Wood: 058 223 0067; admin@meiringskloofpark.co.za; www. meiringskloof.co.za
Onthou: Neem ’n verkyker saam vir voël- en wildkyk, ’n hoed en sonbrandroom (daar is baie min skadu op die roete), drinkwater en herwinningstoerusting as jy die Ventersberg-roete gaan ry.