EK WIL OOK GAAN!
WAAR HET JULLE GEKAMP? Buiten Flamingo Lodge en Tunda Vala Wild Camping het ons wild gekamp. Live the Journey het spesiale toestemming van die plaaslike sobas (stamhoofde) om die wilde kampeerplekke te gebruik. Kontak Flamingo Lodge by flamingo@aasafaris.com. Bespreek by Dionisio Manso vir Tunda Vala Wild Camping by +244 93 712 9952 (stuur ’n Whatsapp-boodskap) of e-pos na otchitanda. investimentos@gmail.com. MOET EK PORTUGEES KAN PRAAT? Nee, maar dit sal kommunikasie aansienlik makliker maak as minstens een persoon in jou groep ’n basiese begrip van Portugees het. Ons het byna niemand teëgekom wat Engels behoorlik verstaan nie en alles word in Portugees geskryf. HET EK ’N VISUM NODIG? Ja. Jy moet persoonlik vir ’n toeristevisum by die konsulaat in Pretoria, Johannesburg, Durban of Kaapstad aansoek doen. Jou aansoek moet twee paspoortfoto’s, ’n uitnodigingsbrief of hotelbespreking in Angola, ’n geelkoorssertifikaat en ’n bankstaat insluit. Vir verdere inligting besoek
www.angolanembassy.org. WAARMEE HET JULLE GERY? Elke voertuig in die groep was ’n volwaardige 4x4 met ’n ewenaarslot. Jou voertuig moet ook toegerus wees met herwinningstoerusting en alles wat jy nodig het vir boskamp – tente, drink- en stortwater, skadu en proviand. HOEVEEL BRANDSTOF HET EK NODIG? Neem genoeg saam dat jy ’n reikafstand van 1 000 km in 4x4-omstandighede het. IS VULSTASIES VOLOP? Ja, maar net op dorpe of in stede, wat op hierdie roete ver uitmekaar is. Petrol in Portugees is gasolina en diesel is
gasoléo. Maak seker jy vra vir die regte een wanneer jy volmaak. WAAR KAN EK BESPREEK? Om hierdie toer saam met Live the Journey te doen, besoek
www.livethejourney.co.za, e-pos na info@ livethejourney.co.za of bel 021 863 6400 (Kaapstad). Die volgende toer is vind plaas vanaf 3 tot 13 Maart 2018.