5 moetsienplekke!
Met al sy agterpaaie kan jy Lesotho oor en oor besoek en elke keer nuwe plekke ontdek. Maar voor jy dit doen, gaan maak ’n draai by dié vyf uitsonderlike plekke in die Bergkoningkryk.
1 MATEBENGPAS
Hierdie pas is dalk nie so bekend soos Sani nie, maar hy is ewe skouspelagtig. Hier ry nie taxi’s nie, en omdat dit nie goed in stand gehou word nie, kan jy maar sê dis ’n 4x4-roete op sy eie.
GPS S29.875253 E28.966253
2 SEHLABATEBE- NASIONALE PARK
Dié minder bekende park in die suidoostelike hoek van Lesotho is ’n ongerepte stukkie aarde met ongelooflike rotsformasies, wye grasvlaktes en pragtige uitsigte.
GPS S29.870045 E29.067555
3 MALETSUNYANE-WATERVAL
Dié waterval net buite Semonkong pryk op byna elke webtuiste of toergids oor Lesotho, maar geen foto kan die prag weergee nie.
GPS S29.868664 E28.051748
4 KATSEDAM
Die Katsedam is nie net ’n indrukwekkende stuk ingenieurswese nie, maar ook ’n noodsaaklike waterbron vir Suid-Afrika. Die damwal is die naasgrootste van sy soort in Afrika – jy kan ’n toer binne-in doen.
GPS S29.336966 E28.506169
5 AFRISKI
Het jy al in Afrika geski? Hier is jou kans! Buiten ski is daar ook ’n verskeidenheid ander aktiwiteite soos bumboarding, waar jy op ’n graaf teen die sneeuhelling afgly.
GPS S28.823098 E28.728121