Ry dié roetes!
As Lesotho se talle grondpadpasse nie vir jou genoeg van ’n 4x4-uitdaging is nie, is daar ook verskeie plekke waar jy dagroetes kan ry.
SEMONKONG-LODGE
By dié lodge kan jy ’n kaart kry met aanwysings van ’n aantal 4x4-roetes in die gebied. Dit wissel van rustige uitstappies tot dag lange hardebaardroetes. Die lodge bied ’n twee uur lange 4x4-uitstappie aan teen R250 p.p. of jy kan ’n plaaslike gids huur om saam met jou in jou voertuig te ry.
Kontak semonkonglodge.com/ activities/4x4-routes/
RAMABANTA TRADING POST
Ramabanta Trading Post is gewild onder diegene wat die berugte Bobbejaanspas wil aandurf, want die lodge is só naby dat jy die pas van die stoep af kan sien. Daar is darem ook makker roetes in die gebied. Kontak http://tradingpost.co.za; 00 266 5843 9958
ROMA TRADING POST
Hier is verskeie roetes – van rustige gesinsuitstappies tot uitdagende dagroetes. Die bestuurder van Roma Trading Post, Darol Howes, is ’n uitstekende bron van kennis oor 4x4-roetes in die gebied en kan help met raad, toerbeplanning en gidse.
Kontak tradingpostlodge.com; darol@lesothosky.com
AFRISKI
Van hier af kan jy van maklike halfdagroetes tot taai voldagroetes na plekke soos die Katsedam, Mont Aux Sources, die Letselepas en Mokhotlong doen. Van die roetes sluit waterkruisings in, en as Lesotho sneeu kry, is dit gewoonlik rondom Afriksi – bring dus maar jou sneeukettings!
Kontak afriski.net/Home/Activ >