Ek wil ook gaan!

Watter soort voertuig?

As jy dié roete wil ry, het jy ’n 4x4 met ’n goeie grondvryhoogte en laestrek nodig. Bring ook ’n ekstra noodwiel, ’n banddrukmeter, kompressor en jou herwinningstoerusting saam.

Wat het ek op die grens nodig?

Jou paspoort (Suid-Afrikaners het nie ’n visum nodig nie) en jou voertuig se registrasiedokumente. As die voertuig nie in jou naam is nie, bring ’n toestemmingsbrief van die bank of huurmaatskappy saam.

Is brandstof geredelik beskikbaar?

Ja, daar is vulstasies met petrol en 50 ppmdiesel in Semonkong, Roma, Maseru en Butha Buthe.

Kaart of kontant?

Op die dorpe is daar kitsbanke, maar bring genoeg kontant saam om vir jou verblyf of kos te betaal in afgeleë gebiede, want baie plekke het nie kaartgeriewe nie óf die ontvangs of elektrisiteit is wisselvallig.

Waar het ons gebly?

Sani-berglodge. Hier is rondawels, ’n backpackers en kampplek. Daar is ook ’n restaurant en kroeg. 078 634 7496 Sehlabatebe- nasionale park. Tans is hier net blyplek vir 5 mense in 2 selfsorgrondawels. Daar is ’n toegeruste kombuis, badkamer en elektrisiteit. 00 266 6386 8034 (Sefali Lesasana – los ’n boodskap as hy nie antwoord nie.) Semonkong-lodge. Rondawels, ’n backpackers en kampplek. Daar is ’n restaurant en kroeg. 00 266 2700 6037 of 00 266 6202 1021 Ramabanta Trading Post. Rondawels, selfsorgkamers en kampering. Besprekings: 00266 2231 2238 of tradingpostram@leo.co.ls. Roma Trading Post. Selfsorgrondawels, rugsakblyplek en kampplek. 00 266 5024 5001; roma@tradingpostlodge.com Katse-lodge. Selfsorghuise, kamers en kampplek. katse-accommodation.com New Oxbow-lodge. En suite-kamers, ’n restaurant en kroeg. 051 933 2247; oxbowski@kingsley.co.za

Kontak 072 7676 578; info@zippisat.com Evan het manalleen en dikwels op verafgeleë plekke sonder enige selfoonontvangs gery. Hy het ’n IsatPhone2-satellietfoon van Zippisat saamgevat om kontak met die buitewêreld te behou.