Nyamandhlovu-platform, Hwange- nasionale park, Zimbabwe

As dit jou droom is om jou kamera se driepoot staan te maak en kiekies van een van die grootste olifantbevolkings ter wêreld te neem, moet jy die Hwange- nasionale park in Zimbabwe op jou emmerskoplys skryf.

En as jy eers hier is, moet jy koers kies na die Nyamandhlovu-platform wat oor die Nyamandhlovupan kyk.

Ja, Zimbabwe het sy probleme en omstredenheid en Hwange haal soms die nuus om al die verkeerde redes (stropers het ’n klompie jaar terug meer as 100 olifante hier vergiftig én ’n Amerikaanse tandarts het Cecil, die leeu, hier geskiet). In Junie is wéér ’n paar olifante vergiftig, maar met ons besoek verlede jaar was dit duide- lik dinge is tog aan die verander. Die nasionale parkeraad en die reservaat se personeel is aan ’t woeker en hier is tekens van lewe.

Hier is meer diere, die padnetwerk kry aandag en verskeie kampterreine word opgeknap.

Die Nyamandhlovupan is ’n watergat wat danksy water wat hierheen gepomp word, standhoudend.

En op die platform het jy die beste uitsig oor die water: Hou jou oë oop vir meer as 100 wildspesies – waaronder gesonde troppe van die skaars wildehond, swartwitpense, leeus, jagluiperds en luiperds – en digby 400 voëlsoorte.

Hier is meer as genoeg opsies vir jou verblyf, met verskeie kampeerplekke, selfsorgchalets en kothuise. Hier is ook ’n kroeg, restaurant, vulstasie en klein supermark.

Kontak 00 263 4706 077; zimparks.org GPS S18.775500 E26.888987