Padkospraatjies
Hoe lyk jou padkos? Pak julle toebroodjies en ’n fles koffie en eet dit langs die pad, of stop julle vir ’n vinnige pasteitjie en ’n koeldrank by die vulstasie? Of gaan sit julle aan vir ’n hamburger en melkskommel by ’n kitskosrestaurant?
Roland Straub
Ons stop gewoonlik by die Wimpy langs die pad, maar vanjaar pak ons ordentlike padkos. Frikkadelle, gekookte eiers, hoenderboudjies en broodrolletjies. Ons wil vir die kinders wys hoe ons dit voorheen gedoen het.
Ludwig Schnettler
Ons stop en eet ’n lekker Wimpy-ontbyt.
Cathrine Dixon
Ons pak gesnyde skaapboud, frikkadelle, eiers, stukkies wors, broodrolletjies met botter, koffie en koeldrank.
Melanie Vorster
Ons hou van broodrolletjies met kouevleis en kaas, sap en water. Dalk ’n stukkie droëwors en Jungle bars. Ons eet sommer in die ry.
Johan Terblanche
Jy waag deesdae ’n kans om langs die pad te stop om te eet. Ons geniet ons padkos in die kar en wag tot by die volgende vulstasie om bene te rek.
Lettie van Aarde
Ons stop vir ontbyt by die Wimpy of Maxi’s. Nadat ons gerus het, is ons weer reg om in die pad te val. Ons peusel tussendeur aan droëwors en lekkers.
Kobus Horn
Ek pak my eie padkos, want ek het nou al my les geleer met pasteitjies wat ’n mens langs die pad koop. Ek het ook al ervaar dat die diens by Wimpy ná 8 nm. nie baie goed is nie. Tuisgemaakte padkos bly maar net die beste.
Madelein Coetzee Lundie
’n Fles koffie, ’n fles tee, ham-en-kaas-toebroodjies, gekookte eiers en tuisgemaakte KFC-hoenderboudjies. Heerlik.
Duane Van Wyk
Wimpy, al die pad.