JAGUAR BOU NÓG ’N LIGTE WA
Jaguar het saam met sy tear
drop- wa nóg ’n ligte woonwa bekend gestel wat jy met ’n gewone ligtevoertuigrybewys mag sleep: Die Zazu-2, en hy is ook gemik op paartjies.
Dis opvallend dat al hoe meer woonwavervaardigers op ligter waens fokus, veral dié met ’n BVM van 750 kg en minder. (Vir enigiets swaarders het jy ’n EB-rybewys nodig.)
Die dubbelbed in die Zazu slaan uit die regterpaneel plat, en soos gewoonlik met dié grootte waens sit die deur ook agter. Die dak lig van die linkerpaneel af, digby die voetenent van die bed, en gee genoeg ruimte waar jy by die deur inklim. In die huidige model is daar drie klerekaste met seildeure by die neus- kant. Dit sal voortaan net twee kaste wees waarvan die ruimte van die linkerkas nou deel van die buitekombuis word.
Soos gebruiklik is die kombuis links van die wa en trek soos ’n groot laai uit die voorste kas. Hierin is laaie vir die borde en messegoed asook die tweeplaatgasstoof. Die ys-vrieskas staan op die punt van die glyraam die naaste aan die romp.
Die neuskas is ’n vierkantige boks met pakplek vir hout bo-op en genoeg plek binne vir vier ammokiste.
Die Zazu se romp bestaan uit ’n gegalvaniseerdestaalraamwerk met aluminiumplaatwerk buite en ’n 25 mmisolasielaag binne wat met mat uitgevoer is.
Wat is opsioneel? Die ys-vrieskas (tot ’n 85 ℓmodel), batteryherlaaistelsel met LED-ligte R4 500, 150 W-sonpaneel R3 000, 100 ℓ-vlekvryestaalwatertenk met ’n kraan en pomp R8 500, en inloopremme R5 500 (dit stoot die BVM op tot 1 600 kg). Prys R130 000.
Kontak 073 333 5554 jacques@jaguartrailers. co.za jaguartrailers.co.za