Haas­ti­ge haak­skeen­by­ter

Dit is merk­waar­dig dat BMW el­ke nis en leem­te tus­sen al sy mo­del­le kon vul – die splin­ter­nu­we X2 is waar­skyn­lik die bes­te voor­beeld hier­van.

Weg! Ry & Sleep - - NUWE RYGOED - Teks Ky­le Kock

So­wat ’n de­ka­de ge­le­de, toe die eer­ste X6 by die Noor­dA­me­ri­kaan­se in­ter­na­si­o­na­le mo­tor­skou in De­troit ont­hul is, was die re­ak­sie po­si­tief. Al­mal was ver­baas om te sien die pro­duk­sie­mo­del is feit­lik i­den­ties aan die kon­sep­ont­werp.

Die X-reeks met sy on­e­we sy­fer­ag­ter­voeg­sels het nog al­tyd vol­doen aan die stan­daar­de van die be­trok­ke mark­seg­ment. Die X5, by­voor­beeld, was nog al­tyd ’n sport­nuts­voer­tuig en die X3 ’n kompakte sport­nuts. Maar die de­fi­ni­sies word ver­vaag deur die X6, X4 en nou ook die X2. Dis haas on­moont­lik om vir ie­mand te ver­dui­de­lik waar die X2 in­pas, ver­al as ’n mens in ag neem hy sit styf teen­aan die X1, maar is my­le weg van ’n X3. BMW speel ’n in­ge­wik­kel­de dog in­te­res­san­te spe­le­tjie – een wat be­klem­toon word deur die re­kla­me­veld­tog #To­tal­lyUn­go­ver­na­ble.

Bui­te­langs

Dit ding wat die X2 van an­der rygoed in ’n par­keer­ter­rein on­der­skei, is sy voor­koms. Ons het die af­ge­lo­pe jaar na heel­wat sportnutse ge­kyk, en wat voor­koms be­tref, het ons baie lof vir die X2. Die glas­dop is smal – die ge­volg van ’n ho­ër heup­lyn en al vier wiele wat op die ver­ste hoe­ke ge­plaas is. Dié uit­leg sorg vir ’n uit­ste­ken­de ver­trek- en na­der­hoek. Die wiel­boë is lek­ker groot en word ge­vul deur 19”-ban­de. ’n Ek­stra bo­nus is die BMW-ken­te­ken op die C-pi­laar – die eer­ste mo­del se­dert die i­ko­nie­se 3.0 CSL-ren­mo­tor­weer­ga­we in 1973 wat hier­mee spog.

Aan­vank­lik is daar slegs twee mo­del­le: Die sD­ri­ve20i-pe­trol- en xD­ri­ve20ddie­sel­mo­del. La­ter van­jaar sal daar ook ’n klei­ner sD­ri­ve18-in­tree­vlak­mo­del be­skik­baar wees. Jy kan ook kies tus­sen twee af­wer­kings­vlak­ke: Die M-S­port­pak­ket het am­per ’n ren­mo­tor-voor­koms, ter­wyl die M-S­port X kon­tras­te­ren­de grys pa­ne­le het om hom ef­fens meer a­von­tuur­lus­tig te laat lyk. >

Bin­ne­langs

Om­dat dit ’n kompakte ry­ding is vir die soort mens wat nie nood­wen­dig ’n be­hoef­te het om die stad te ver­laat nie, is daar al­ler­lei ka­toe­ters om jou te be­derf en stru­we­lings soos spits­ver­keer draag­li­ker te maak. As jy ver­geet het om jou nuwe slim­foon deur die nag te laai, kan jy hom dood­een­vou­dig in die mid­del­ste pa­neel­kis­sie druk waar hy koord­loos sal laai.

Jou X2 kan deel word van die res van jou le­we as jy die BMW Con­nected D­ri­ve-app op jou foon laai (iS­to­re en Google Play). Dié app laat jou iP­ho­ne of An­droid­foon toe om met jou X2 te kom­mu­ni­keer en sal jou her­in­ner waar jy ge­par­keer het, min­der be­si­ge roetes voor­stel, jou ka­len­der na­gaan vir af­spra­ke, en selfs die deu­re oop- en toe­sluit.

Só ry hy

Met BMW se re­pu­ta­sie om voer­tuie te bou wat pret is om te be­stuur sal ons nie ver­baas wees as daar men­se is wat kla om­dat die X2 nie ’n V6-en­jin en brul­len­de uit­laat­py­pe het nie. Maar ons was dol­ge­luk­kig met die toets­mo­del wat ons on­der han­de ge­had het. Dié vier­si­lin­der-tur­bo­die­sel is ook die vlag­skip­mo­del. Jy gaan nie veel meer vra as wat hier­die mo­del stan­daard bied nie. Die werk­ver­rig­ting is meer as ge­noeg vir ’n voer­tuig van hier­die aard en die agt­spoed- ou­to­ma­tie­se rat­kas is heel be­hen­dig as jy hom los om sy eie kop te volg. As jy eg­ter die be­heer wil oor­neem van die rat­wis­se­ling, kan jy al­tyd oor­ska­kel na die sport­mo­dus en die rat­wis­sel­spa­ne ag­ter die stuur­wiel tok­kel. Ná ’n gees­drif­ti­ge rit oor die Hels­hoog­te­pas bui­te S­tel­len­bosch, ge­volg deur die Fransch­hoek­pas, Sir Lo­wrys­pas, C­hap­mans­piek en Ou Kaap­se­weg, het die die­sel­mo­del met 50 ppm-die­sel in die tenk ’n ge­mid­del­de brand­stof­ver­bruik van 6,4 ℓ/100 km oor ’n af­stand van on­ge­veer 200 km ge­le­wer.

ONGEWOON, MAAR SLIM. Hoe­wel die X2 ver­skeie re­ëls ver­breek oor hoe ’n mo­tor moet lyk, is dit nie ’n le­li­ke ry­ding nie – ons hou ver­al van die ken­te­ken op die C-pi­laar. Die bin­ne­ruim is knus son­der om be­knop te voel en daar is heel­wat ka­toe­ters wat stads­ja­pies ure lank sal be­sig hou.

Newspapers in Afrikaans

Newspapers from South Africa

© PressReader. All rights reserved.