HOU DIE LADING REG
Hoe om na jou ekstra battery te kyk
Met die Paasvakansie agter die rug is die kans goed dat jou ekstra battery ’n bietjie instandhoudingswerk nodig het. Jou battery doen dalk permanente skade op terwyl jy hier lees! Maar moenie bekommerd wees nie – daar’s nog tyd om jou battery te red en sy lewe te verleng. Dís wat jy moet doen...
Daar’s baie wat ’n mens kan sê oor batterylewe en hoe dit verband hou met herlaaitempo’s. Ter wille van eenvoud: ’n Battery wat erg ontlaai is, moet genoeg tyd gegun word om te herstel.
Daar’s ’n algemene wanopvatting dat ’n battery vinnig en in ’n kort tydjie herlaai kan word. Vir die meeste batterye is dit gewoon nie waar nie.
Ongelukkig dra baie min batteryvervaardigers en onderdelewinkels hierdie boodskap oor, en oorlandreisigers moet dan vir die gelag betaal. Hierdie grafiek wys hoeveel bruikbare energie uit ’n 105 Ah-diepsiklusbattery getrek kan word. Die uitgeligte deel wys die veilige bedryfsone en is gelyk aan ’n 70%-ontlaaidiepte.
In eenvoudige taal beteken dit jy kry nie 105 Ah uit ’n 105 Ah-battery nie!
In die algemeen kan jy tussen 70 Ah en 75 Ah bruikbare energie uit die bogenoemde battery kry voor dit die fase van diep ontlading binne- gaan – waar batteryskade bespoedig en die lewe van die battery verkort word.
Wat is dus die punt? Om ’n battery in ’n ontlaaide toestand te los versnel agteruitgang en veroorsaak permanente skade.
Dit maak nie saak of jy ’n solenoïedstelsel (sien die geel streep), of ’n 20 A-GS-totGS-stelsel (sien die rooi streep) geïnstalleer het nie, dit kos steeds meer as vier uur se rytyd om ’n 105 Ah-diepsiklusbattery volledig te herlaai. Die grafiek wys die herlaaitempo’s van ’n solenoïedstelsel en ’n GS-tot-GS-laaier, waar die alternator 13,9 V lewer.
EN NOU?
Daar is soveel veranderlikes wanneer dit by ’n dubbelbatterystelsel kom, maar in die algemeen is die volgende waar: Die meeste dubbelbatterygebruikers is nie bewus daarvan dat hulle ekstra battery deels ontlaai is nie, en daarom word die werkverrigting en lewensduur van die battery benadeel. Dit lei tot gereelde batteryvervanging – of die onvermoë om ’n kampyskas deur die nag van krag te voorsien.
Die eenvoudige oplossing hiervoor is natuurlik om meer te ry, maar vir die meeste vakansiegangers is dit net nie prakties om vier tot agt uur te ry om ’n battery te herlaai nie. Daar is natuurlik ook ’n goeie kans dat jou ekstra battery nie heeltemal sal herlaai nie, veral as hy die vorige nag diep ontlaai is.
Dis ’n eksponensiële probleem: Elke dag wat die battery nie heeltemal herlaai word nie, is daar ’n groter risiko dat dit ’n diepontlaaide stelsel gaan word – wat moeilik is om te herstel.
Gelukkig is die oplossing eenvoudig: As jy ’n ekstra battery het, het jy ’n 220 V-instandhoudingslaaier nodig om die volle kapasiteit te herstel en seker te maak die battery bly gesond – reg vir jou volgende avontuur. National Luna se nuwe Intelligent
Maintenance Charger sorg dat jou battery kry wat hy nodig het in terme van tyd en energie om heeltemal herlaai te word.
National Luna se laboratorium het jare se ervaring van batteryherlading en -instandhouding en het ’n reeks toetse op byna elke batterylaaier op die mark gedoen. Die resultate het gelei tot die bekendstelling van ’n bekostigbare batterylaaier wat doen presies wat ’n battery nodig het.
Die agtstap-herlaaiprogram sluit ’n diagnose in van die battery se gesondheid, gevolg deur ’n outomatiese reeks herlaaitempo’s om die batterylewe te herstel en verbeter. Die beste van alles is dat die laaier selfregulerend is en dus vir ’n onbepaalde tydperk aan jou battery gekoppel kan word sonder dat daar ’n risiko is dat die battery beskadig of “oorlaai” sal word.
Die Intelligent Maintenance Charger is geskik vir natsel-, AGM-, GEL- en kalsiumbatterye van 1,2 Ah tot meer as 120 Ah. Die verminderde kragmodus is geskik vir kleiner batterye wat in motorfietse of waterponies gebruik word, terwyl die “boost”-modus nuttig is vir periodiese instandhouding van kalsiumbatterye of batterye wat erger ontlaai is en tekens van verminderde kapasiteit wys.
Die National Luna-laaier het ook twee kabelopsies sodat jy kan kies hoe om die eenheid aan jou battery te koppel.