In die kollig
LED-staafligte is weer in die spervuur – het jy van hierdie soort ligte op jou voertuig, of ken jy iemand wat hiermee die wêreld verlig? Het wetstoepassers jou al afgetrek omdat jy só ’n lig op jou ryding het?
Brandon Danks
Ek het ’n ligstaaf op my voertuig. Dit sit onder die hoofligte en werk met ’n aparte skakelaar. Ek is hartseer oor al die aandag wat dit skielik kry, want dit is ’n absolute bate op Suid-Afrika se paaie in die nag. Dit is nie maklik om met standaardligte jou pad te vind tussen slaggate, vee en klipgooiers nie. Tot daar meer duidelikheid is oor die aangeleentheid, bly my LED-staaflig net waar hy is. Dis jammer ons wetgewing kan nie bybly met die tegnologie nie.
Gerhard du Toit
Om beter te kan sien? Mense wat sukkel om te sien hoort in die eerste plek nie agter die stuur van ’n voertuig nie.
Dawie van der Merwe
Wel, daar is mense wat die goed misbruik op paaie en selfs in dorpe. Sommige vragmotor eienaars het selfs hulle voertuie daarmee toegerus en ek het al gesien hoe die vragmotorbestuurders ’n veer voel vir aankomende motors. Ek is dus bly as dit verbied gaan word. As jy hoofsaaklik in die veld daarmee gaan ry, is dit natuurlik ’n ander saak.
Barry van der Linde
Ek dink mense moet net begin om hulle gesonde verstand te gebruik. ’n Mens moet genoeg insig hê om te besef solank die goed verantwoordelik gebruik word, is daar tog ’n plek vir die ligte. Uit ’n veiligheidsoogpunt is dit baie behulpsaam. Het jy al ooit in die nag deur Botswana gery? Siestog, dis hartseer dat party mense dit nie kan hanteer as ander mense se ligte skerper as hulle s’n is nie.
Nico Landman
Di tis fantastiese nuus. Ek sien ook sekerheid s voertuie wat met met hierdie helder L E D-ligte deur woonbuurte ry. Dis ongelooflik.
Ben Moll
Ek verstaan nie wat die probleem is nie.