VATSO, TIERVIS!
Ons het Zambië vier jaar gelede besoek toe ons op ’n tiervishengelekspedisie was. Op ’n kol moes ons die Barotse-vloedvlakte oorsteek en by een punt deur ’n modderpoel ry.
Terwyl ons die water binnery, neem ek foto’s met my selfoon by die ruit uit. Op die een foto spring ’n klein tiervis sowaar uit die water soos hy koes vir ons. Dit was ’n pure gelukskoot, maar ’n foto waarna ons kort-kort verwys op al ons hengeluitstappies.