MIC SE RUBRIEK

Hy het on­langs op die N1 ge­ry en heel­wat voor­val­le ge­sien van woon­wa­ens wat ag­ter die sleep­voer­tuig swaai, sê Mic van Zyl.

Weg! Ry & Sleep - - INHOUD BOOK SECTION - Mic van Zyl is di­rek­teur van Iron­man 4x4 A­fri­ca, die eks­klu­sie­we in­voer­der en ver­sprei­der van die vol­le­di­ge reeks Iron­man 4x4-pro­duk­te. i­ron­man4x4.co.za

Ek was on­langs op pad te­rug van Ma­pun­gub­we af na Gau­teng, en die swaar ver­keer op die N1 Noord het my op­ge­val. Ge­na­dig­lik was ek aan die an­der kant van die snel­weg, in die teen­oor­ge­stel­de rig­ting op pad. T­wee din­ge het my op­ge­val ter­wyl ek dié be­sten­di­ge stroom voer­tuie met woon­wa­ens, bos­wa­ens en mo­tor­fiet­se op sleep­wa­ens dop­ge­hou het. Eer­stens – en die be­lang­rik­ste – is dat die win­ter­va­kan­sie my on­kant be­trap het. Ek was so be­sig by die werk dat ek glad nie e­ni­ge plan­ne ge­maak het om vir dié klom­pie we­ke saam met my ge­sin weg te gaan nie. Ek was vir ’n kort ruk­kie hart­seer en te­leur­ge­steld in my­self en het toe op die daad be­sluit om die sa­kie reg te stel.

Hoe­wel ons werk be­lang­rik is en ons al­mal wat nie fi­nan­si­ë­le vry­heid het nie, el­ke maand ons re­ke­nin­ge moet be­taal, is dit nie naas­ten­by so be­lang­rik soos om ge­hal­te­tyd saam met jou ge­sin deur te bring nie. Ek het on­langs ’n ar­ti­kel ge­lees deur ie­mand wat on­der­hou­de ge­voer het met men­se op hul­le sterf­bed. Al­mal van hul­le is ge­vra oor hul­le groot­ste be­rou en wat hul­le sou ver­an­der as hul­le kon, en om­trent al­mal het ge­sê hul­le sou meer tyd saam met hul­le fa­mi­lie, vrien­de en ge­lief­des deur­bring. Daar­die ar­ti­kel het ’n diep indruk op my ge­laat, en daar­om was ek so te­leur­ge­steld in my­self oor my plan­loos­heid vir die va­kan­sie.

DIE TWEE­DE DING wat ek op­ge­merk het, is on­der my aan­dag ge­bring deur my pas­sa­sier, my pa. Hy is ’n y­we­ri­ge kam­peer­der en het my op my be­soek aan die Bos­veld ver­ge­sel. Hy het ’n won­der­li­ke mid­del­slag-mo­del S­pri­te En Sui­te-woon­wa (die be­perk­te uit­ga­we) met ’n in­ge­bou­de bad­ka­mer, en die wa pas hom soos ’n hand­skoen. Hy sleep hom met ’n nu­we­ri­ge Pra­do-die­sel­mo­del, maar oor­weeg dit om op te gra­deer na ’n Land Crui­ser 200. Hy het keer op keer ge­wys na die groot woon­wa­ens wat op die N1 ge­sleep word. Ek kon nie help om te dink dat dié sle­pers ê­rens van die glad­de en reg­uit snel­weg moet af­draai en dan met swak na­si­o­na­le paaie gaan moet ry om te kom waar hul­le wil wees nie. Ek sien ge­reeld sle­pers op ons paaie en ry net so ge­reeld ag­ter hul­le ter­wyl ek wag vir ’n kans om ver­by te steek. En dit voel vir my daar is heel­wat voor­val­le van woon­wa­ens wat ag­ter die sleep­voer­tuig swaai.

Ek het in die ver­le­de al ge­sels oor bol­ge­wig­te, maar ’n mens moet ont­hou, die kor­rek­te bol- ge­wig is nie die be­gin en ein­de van hoe jou sleep­kom­bi­na­sie in­me­kaar­steek nie. ’n Mens kry dalk die kor­rek­te bol­ge­wig deur jou wa voor en ag­ter met swaar goed te laai, maar dit gaan son­der twy­fel sorg dat jou wa on­sta­biel is op die pad. Daar is ook ’n klom­pie bos­wa­ens op die mark be­skik­baar wat jer­ry­kan­ne en ’n nood­wiel aan die ag­ter­kant het en ’n 80 ℓ-vries­kas in die neus­kas. In som­mi­ge ont­wer­pe is daar selfs ’n dak­tent wat oor die A-raam op­slaan.

’N KLOM­PIE JA­RE te­rug het ek een van dié wa­ens met my FJ Crui­ser ge­sleep en dit was ’n in­te­res­san­te er­va­ring, om die min­ste te sê. Dit het vir my ge­voel of ek die wa ook moes stuur, want hy het los ge­voel ag­ter die kar.

Dalk het die FJ se kor­ter as­af­stand iets daar­mee te doen ge­had, maar ek het net daar be­sluit dit is nie vir my nie.

Die stryd om jou sleep­kom­bi­na­sie te sta­bi­li­seer is half­pad ge­won­ne as jy se­ker maak jy laai jou wa reg. Swaar goed hoort ver­kies­lik op die as, en waar moont­lik moet jy die jer­ry­kan­ne, wa­ter­tenks, en jou baie be­lang­ri­ke bier­voor­raad na­der aan jou be­stem­ming aan­vul.

’n Mens kry dalk die kor­rek­te bol­ge­wig deur jou wa voor en ag­ter met swaar goed te laai, maar dit gaan son­der twy­fel sorg dat jou wa on­sta­biel is op die pad.

Newspapers in Afrikaans

Newspapers from South Africa

© PressReader. All rights reserved.