KWAMAHLANGA

Hulle kamp al amper 43 jaar, en in dié tyd het Gerald en Gwyneth Robus gedink hulle het al alles beleef. Tot hulle by die WagonDrift-lodge gaan kamp het...

Ons kamp al sedert 1975 en ek en my vrou is gaande oor dié leefstyl. Voor ons 51ste huweliksherdenking het ons besluit om ’n nuwe woonwapark op die proef te stel. Dit wil nogal gedoen wees as jy in ag neem dat ons ons wa al by 98 verskillende kampterreine staangemaak het. Net buite Moloto, op die pad na Rust de Winter, het ons ’n juweel van ’n oord gevind in die WagonDriftlodge-en-natuurpark. Ná soveel jaar se kamp weet ons uiteindelik presies wat ons in ’n woonwapark wil hê.

Hoe lyk die kampterrein?

Met ons besoek was daar twee staanplekke – Porcupine en Warthog. Albei het krag en elkeen het sy eie private ablusieblok. Die ablusiegeriewe bestaan uit ’n stort, opwasplek en aparte toilet. Die gebou is geteël binne en het alles wat jy nodig het wanneer jy kamp. Jou kragpunt is ’n blou woonwasok en dié is op ’n klein paal by jou staanplek. Indien die Eskomkrag uitskop, het die oordpersoneel ’n kragopwekker byderhand om jou yskas aan die gang te hou.

Hoe lyk die braaigeriewe?

Elke staanplek het ’n vuurput waar jy ’n ordentlike kampvuur kan bou met die hout wat verskaf word. Hier is ook ’n braaier wat heuphoogte staan met ’n rooster en lig om te keer dat jy die vleis oorgaar braai. Langsaan is ’n teëloppervlak waar jy die kos kan berei of ’n gasstoof kan neersit. Die lekker van dié uitleg is die feit dat jy jou kuiervuur in

ALLES WAT JY WIL HÊ. Die staanplekke is groot en gelyk met private ablusiegeriewe. Gerald en Gwyneth sê ná 43 jaar se kamp reg oor die land het hulle uiteindelik gesien hoe ’n kampplek nou eintlik moet lyk.