Kreef se kleinboet op ’n stokkie
Probeer hierdie geurige en maklike garnaal-op-’n-stokkie as ’n voorgereg, en geniet dit saam met ’n glasie witwyn. Jy sal nooit weer ’n pak tjips wil oopmaak nie!
Jy benodig
1 boks garnale met doppe en koppe, dermpies verwyder sap en gerasperde skil van 2 suurlemoene 1 koppie room 1 koppie botter
Só maak jy
1 Steek die garnale stert eerste op ’n bamboessosatiestokkie sodat hulle lank uitrek. 2 Gooi die suurlemoensap en -skil in ’n kastrolletjie en kook die helfte van die vloeistof weg. Gooi nou die room by en kook weer die helfte weg. Haal die mengsel van die plaat af en klits die botter bietjies-bietjies by. 3 Braai nou die garnale op taamlike warm kole en draai dit gereeld om. 4 Sit die sous in ’n groot blik sodat jy die garnale sommer so op die stokkie kan doop en eet.
Weg Ry & Sleep sê Die suurlemoenskil gee die sous ’n kenmerkende geur, maar moenie die wit van die skil gebruik nie – dis bitter.