HIER’S DIE KNOPPIE

Ek verwys na die Ry-indrukartikel oor die Volkswagen Touareg in die November 2018-uitgawe. Julle noem in die artikel dat die Touareg se vastrapbeheer nie kan afskakel nie.

Die vastrapbeheer kán afskakel. Druk “Settings” op die rekenaar se raakskerm, klik dan op “Vehicle” en die eerste keuses wat dan op die skerm verskyn, is dié vir die vastrapbeheer. Dis hier waar ’n mens die funksie kan afskakel.

Ek is dit met julle eens en sien ook nie die Touareg as ’n veldryer nie, maar ’n mens wil hom darem so nou en dan ’n bietjie duine toe vat.

Dankie vir die moeite wat julle doen om ’n gebalanseerde mening te gee. Cyril Klopper het die Touareg-artikel geskryf en sê dis ongelukkig nie voor die handliggend hoe ’n mens die vastrapbeheer afskakel of selfs gedeeltelik deaktiveer nie. Voorts bemark Volkswagen nie die Touareg as ’n veldryvoertuig nie en sê dis eerder ’n toermotor vir teerpaaie wat net soms ’n grondpad gaan sien. – Red.