5 DOENDINGE

Ontmoet die grootvoete Die olifante in die Tembe-olifantpark het van die grootste tande wat al ooit op aarde gesien is. Pak ’n piekniekmandjie en gaan sit in een van die park se voëlskuilings (veral die Mahleselapan, die naaste aan die ingang, is gewild) en wag tot die grootvoete kom water drink eerder as om op en af in die park te ry.

Kyk hoe lê ’n seeskilpad eiers Die kuslyn tussen St. Lucia en die Mosambiekse grens is die enigste plek in SuidAfrika waar karet- en leerrugskilpaaie eiers lê. Van Oktober tot Desember kan jy saam met ’n gids van iSimangaliso gaan kyk hoe die wyfies eiers lê, en as jy tussen Januarie en Maart kom, kan jy die kleintjies sien uitbroei.

Soek die manglietvisvanger Die kus mere, vleiland een wortelboom moerasse( ma ng l i ete) in die iS i manga lis o bewarea, die Ma put o-spesiale reservaat en rondom San ta Maria is die tuiste van die skaars manglietvisvanger. Enige ernstige voël kyker behoort dié pragtige blou visvanger op sy lys te hê, en as jy gelukkig is, sien jy dalk ook die ewe skugter visuil of witaasvoël. Bring dus jou verkyker, hope geduld en ’n tikkie geluk saam.

Snorkelduik oor koraalriwwe Die noordoostelike deel van Kwa-Zulu Natal is nie verniet bekend vir sy snorkel- en s kuba duik bestemmings nie, maar het jy geweet daar is ook pragtige koraalriwwe in Maputobaai? Bring gerus jou snorkel toerusting of bespreek’ n uitstappie by’ n operateur op San ta Maria.

Vang jou aandete Op Kosibaai en San ta Maria is daar operateurs wat visvang uitstappies in die mere, riviermondings en die diepsee aanbied. Pakkette sluit gewoonlik die boot, skipper, brandstof en visvang gereedskap in en jy kan jou verblyf daarmee saam reël.