In tamatiestraat
Ryg die boerewors op ’n stokkie en gee dié ou gunsteling houding.
Jy benodig
(genoeg vir 6)
1 kg boerewors
6 lang roosmaryntakke of sosatiestokkies
VIR DIE SMOOR
2 geroosterde rooi soetrissies, fyngekap
1 groot tamatie, fyngekap 1 rooi brandrissie, fyngekap ½ teelepel komynsaad 1 teelepel tamarynsmeer (tamarind)
1 knoffelhuisie, fyngedruk 1 klein rooiui, fyngekap 1 teelepel mosterdsaad ½ teelepel kerriepoeier
VIR DIE PAP
1 ℓ kookwater
1 teelepel braaisout 1 tiemietakkie (of gebruik ’n knippie droë tiemie)
1 koppie mieliemeel of polenta ’n stewige klont botter
Só maak jy
1 Druk die worsvleis versigtig uit die derm en vorm frikkadelle daarmee. Ryg die frikkadelle op die sosatiestokkies wat jy eers in water geweek het – dit keer dat hulle vlam vat oor die kole.
2 Meng al die bestanddele vir die smoor in ’n kastrolletjie saam en kook dit tot die sous lekker dik is.
3 Kook die water vir die pap in ’n groot kastrol, roer die sout en tiemie by en klits die meel met ’n draadklitser by. Verhit die mengsel tot kookpunt en verlaag dan die hitte. Prut die pap vir 30 minute tot mooi glad en dik. (Maak seker op die verpakking, want die gaarmaaktye vir verskillende handelsmerke wissel. Pas ook die hoeveelheid vloeistof aan om seker te maak die pap bly sag en word nie te dik nie.) Roer nou die botter by en hou dit warm.
4 Braai die koftas oor warm kole tot dit mooi goudbruin is en binne net-net gaar en sappig. Sit dit voor saam met die pap en smoor.
Ry & Sleep sê Jy kan ook aartappel, soetrissie, ui en ander groente op die stokkies ryg.