DIE GEWILDSTE KAMPYSKAS TER WÊRELD
Daar is ’n paar dinge wat jy in gedagte moet hou wanneer jy ’n kampyskas koop.
Jou navorsing oor watter kampyskas om te koop draai gewoonlik om die vraag “hoe groot moet dit wees?”. En dan is daar ook ander dinge waarna jy moet kyk... produk ondersteun?
Die vraag oor die grootte is dikwels die moeilikste om te beantwoord. As jy dikwels kamp, weet jy dalk reeds wat jou behoefte is. As jy egter ’n groentjie is, of nog nooit voorheen ’n 12V-yskas besit het nie, is jy dalk onseker.
Dis heeltemal anders om met ’n 12V-yskas te kamp as met ’n koelboks. ’n Koelboks vereis die dikste insolasie moontlik; en, omdat jy die koelboks vol ys moet maak, moet jy dikwels noodgedwonge die grootste, lompste koelhouer koop sodat daar darem nog plek vir jou vleis is nadat jy die ys ingepak het.
Daarteenoor kan ’n kampyskas homself koud hou. Insolasie is dus steeds noodsaaklik, maar nie so belangrik soos in die koelhouer nie. Jy kan dus in baie gevalle regkom met ’n kampyskas wat heelwat kleiner is as jou koelboks.
Oor baie jare heen wys National Luna se navorsing daarop dat 60% van die 12V-vrieskaste wêreldwyd 50 liter groot is.
Dit stem ook ooreen met National Luna se eie verkoopsyfers.
Dit was hierdie inligting wat National Luna in 2005 genoop het om die 50 liter-Weekender bekend te stel.
Soos die naam aandui, was die Weekender op naweekkampeerders gemik – gesinne en reisigers wat vir 2 tot 4 dae per keer kamp.
Die eenheid was só ontwerp dat die proporsies van die yskas (40 liter) en vrieskas (10 liter) onveranderd was. As jy byvoorbeeld die yskasdeel op 5 ºC gestel het, sou die vrieskasdeel op -5 ºC bly – min of meer 10 ºC koeler as die yskas.
Dit het goed gewerk, maar is nie so veeldoelig soos National Luna se ander dubbelbeheereenhede (soos die NL60 en NL90) nie, wat jou toelaat om die temperatuur van die vrieskasen yskasdele onafhanklik te stel.
Dit beteken jy kan die eenheid as ’n yskas, ’n vrieskas, of as ’n yskas-vrieskaskombinasie gebruik.
Daar was egter geen manier waarop dit ook met die 50 liter-eenheid gedoen kon word nie, nie sonder om die koste drasties te verhoog nie.
Tot nou toe …
In 2002 was National Luna die eerste maatskappy wêreldwyd wat sy dubbelbeheerpaneeltegnologie bekend gestel het. Dit gee jou die vermoë om die twee kompartemente, wat elkeen sy eie termostaat het, apart te beheer. Eers agt jaar later het enige van National Luna se mededingers dieselfde tegnologie begin gebruik.
Danksy nuwe tegnologie met sluitkleppe, kompressors en insolasie, kan National Luna nou die nuwe dubbelbeheerde NL50 Legacy bekend stel – die mees gevorderde, veelsydigste 50 litereenheid in sy klas.
National Luna het deesdae vyf yskaste van verskillende groottes wat dié dubbelbeheertegnologie gebruik, én ses enkelbeheereenhede.