NUWE RYGOED
Die vorige Land Rover Defender het drie dekades lank so te sê onveranderd gebly. Die jongste model, wat pas hier bekend gestel is, het ’n breë stel spore om in te volg, sê Kyle Kock.
SPESIFIKASIES
Model ................................Land Rover Defender 110 D240 First Edition Enjin ............................................................1 998 cc-viersilinderturbodiesel Krag ................................................................................. 177 kW @ 4 000 r.p.m. Wringkrag .................................................................... 430 Nm @1 400 r.p.m. Ratkas ................................................................................8 spoed-outomaties Tenk .....................................................................................................................85 ℓ Brandstofverbruik .....................................................................7,7 ℓ/100 km Topspoed ...............................................................................................188 km/h BVM ............................................................................................................ 2 940 kg Sleepgewig ............................................................................................. 3 500 kg Laairuimte ............................................................................................ 231-916 ℓ Veiligheidsgradering .......................................... Nog nie beskikbaar nie Waarborg ............................................................................. 5 jaar/100 000 km Diensplan ............................................................................ 5 jaar/100 000 km Prys .......................................................................................................R1 260 600
Land Rover beweer die nuwe Defender is sy bekwaamste veldrymodel tot nog toe. Buiten die reeds genoemde hoogteverstelbare lugvering is die kar ook toegerus met ’n sensorstelsel wat wys hoe diep jy in die water is (die maksimumwaaddiepte is 900 mm) en ’n 3D-kamerastelsel wat jou help om versigtig tussen hindernisse te ry sonder om jou bakwerk seer te maak.
Met dié tegnologie kan jy ook ’n uitsig van tussen die voorwiele hê – ’n nuttige kenmerk wanneer jy teen ’n skerp helling uitry en net die blou lug van agter die stuur kan sien. As jy egter bykomende tegnologie soos ’n elektriese ewenaarslot wil hê, gaan jy ’n model met meer spesifikasies moet aanskaf.
Ongeag watter spesifikasievlak jy kies – die basismodel, S, SE of HSE – is daar vier pakkette waaruit jy kan kies om soveel modifikasies as moontlik by die fabriek self te laat doen.
Die Explorer-pakket sluit in ’n hoë luginlaat, liggewig dakrak en ’n 24 ℓ-kantkissie. Die Adventure-pakket het ’n afspoelstelsel wat ontwerp is om vuil toerusting te was, ’n 20 ℓ-rugsak agter ’n sitplek se rugleuning en ’n geïntegreerde kompressor. Die Country-pakket het klassieke modderskerms (volgens Land Rover), ’n afskorting in die laairuim en beskerming vir die wielboë. Die Urban-pakket het blinkhelder metaalpedale,
’n oortreksel vir die noodwiel en ’n pensplaat. Jy kan jou pakket verder aanpas na gelang van die lang lys van ekstras wat beskikbaar is, soos uitvousytrappe, daklere, beskermingstawe en verskeie dinge vir jou vellings en bande.
Daar is ’n funksie op Land Rover se webtuiste waar jy jou vir ure kan besig hou met al die verskillende keuses – ons stel voor jy doen dit vóór jy jou tjekboek uithaal. Net om seker maak jy kry presies wat jy wil hê.
Onder die enjinkap
Daar is drie enjinkeuses beskikbaar. Die een waarvoor ons waarskynlik sal gaan, is ’n 2.0-dubbelturbodieselmodel met 177 kW en 430 Nm – ’n mens het nie regtig meer nodig nie. Daar is ook twee petrolmodelle: die 2.0-turbopetrol (221 kW en 400 Nm) en die 3.0-sessilinder met ’n turboanjaer, superaanjaer en ’n elektriese enjin, wat hom in wese ’n hibriede voertuig maak. Dié vlagskipmodel wek 294 kW en 550 Nm op.
Land Rover sê hy gaan in die eerste jaar “First Edition”-modelle in Suid-Afrika beskikbaar hê met al die katoeters waaraan jy kan dink. Die vervaardiger wil hê jy moet die meeste waarde vir jou geld kan kry.
Ons sal hom in wit vat, dankie!
R1 500 700
R1 489 000