Botswana vir ’n langnaweek
Ons het onlangs gaan kamp by die Limpopo River Lodge in Botswana se Tuli-blok. Dié puik wegbreekplek op die oewer van die Limpoporivier is net sowat 40 km van die Platjan-grenspos spos af af.
Die kampplek en ablusies was skoon en netjies. Hier is nie krag nie, maar paraffienlampe sorg vir mooi atmosferiese lig. ’n Donkie of sonkrag sorg vir warm water. Isaac Kubu, die vriendelike kampopsigter, maak seker alles verloop glad. Hy kom maak elke dag skoon en het selfs ons skottelgoed gewas!
’n Hiëna het een aand aan ons tent kom snuffel én ons het een oggend ’n luiperdspoor by ons voertuig gekry. Jy het nie ’n 4x4 nodig nie, net ’n voertuig met hoë grondvryhoogte.