Volop soos bleeksingvalke

Ek en my ma het onlangs begin voëls kyk en het in die Julievakansie in die Kgalagadi-oorgrenspark ons nuwe stokperdjie met mening aangepak. My pa en suster het hulle bes probeer om geduldig te wees, al stel hulle nie eintlik belang nie.

Op die eerste dag het ons baie bleeksingvalke opgemerk op die pad tussen die Twee-Rivieren- en Nossob-ruskamp.

Ons het later besluit om te tel hoeveel ons sien van waar ons in daardie stadium was totdat ons die aand die park sou verlaat by die Twee-Rivierenhek. My suster wou later nie meer die woord “bleeksing” hoor nie. Net ’n entjie voor ons die aand die park verlaat, het ons die 64ste bleeksingvalk getel. Hierdie een was egter besonders aangesien hy ’n waaiersterteekhoring gevang het.

ANDRI OOSTHUIZEN, Augrabies