KYK HIER!
Die Sehlabathebe- nasionale park in Lesotho is waarskynlik een van die nasionale parke in Suider-Afrika wat die minste besoekers kry. Dis nie juis ’n verrassing as ’n mens die ligging in ag neem nie – dis naby Qachasnek en dis moeilik om daar uit te kom. Dit beteken egter ook dié wat wel die moeite doen om hier uit te kom, sal waarskynlik die grootse landskappe kan indrink sonder veel ander mense rondom hulle.
Die vryskutjoernalis Evan Naudé het dit besef toe hy laaswinter hier was vir ’n storie vir Weg, en het daarom ’n driepoot ingepak sodat hy fotograaf én model kon wees. Hy het selfs ’n helderrooi baadjie ingepak sodat hy duidelik teen die winterlandskap kan uitstaan.
Sehlabathebe is die oudste natuurreservaat in Lesotho en deel van die Maloti-Drakensberg-oorgrensbewaringsgebied.