SA kry ’n tiende Wêrelderfenisgebied
Het jy geweet Suid-Afrika is die enigste plek ter wêreld waar jy biomats – een van die eerste tekens van primitiewe lewe – met die blote oog kan sien? Fossiele van hierdie antieke lewensvorme (dit het meer as 3,2 miljard jaar gelede gegroei!) is in die Barbertonomgewing te sien.
Dis maar een van die redes hoekom die Barberton-Makhonjwa-bergreeks tussen Barberton en die grens met Mpumalanga vroeër vanjaar deur Unesco aangewys is as Suid-Afrika se tiende Wêrelderfenisgebied.
Die gebied is ’n belangrike bron van wetenskaplike en geologiese inligting: Vulkaniese en sedimentêre rots in dié gebied het goed behoue gebly en dateer vanaf sowat 3,25 miljard tot 3,6 miljard jaar gelede, toe die eerste vastelande begin vorm het. Verken die streek in jou eie motor op die Barberton Geotrail (37 km).
Kontak Barberton se toerismekantoor op 013 712 2880 of barberton.co.za vir meer inligting. Die roete is gratis.