STRANDLOPERS
(oorkantste blad, kloksgewys van links bo). Op Dag 1 op die Chokka-slenterroete stap ’n mens by tye op ’n smal voetpad deur velde vol fynbos en boegoe kuslangs tot by Thyspunt en dan terug na Oesterbaai; Op Dag 2 sal jy tientalle van dié sebraslakke in die Sandrivierduineveld sien, veral as ’n motreëntjie vroegoggend die sand klam gemaak het; Hier en daar vleg jy jou pad deur kuswoud, en ’n gids soos Esti Stewart (hier agter Aimee Friederich) is onontbeerlik; Die westeen oostewinde wat hier waai, asook ondergrondse riviere, veroorsaak dat die duinelandskap gedurig verander.