Steak-asado
Vir 6
Voorbereityd 10 minute plus marineertyd
Kooktyd 20 minute
Die Argentyne hou daarvan om liessteak –’n dun, vetlose en geurige snit met ’n growwe tekstuur – vir hierdie dis te gebruik. Hulle skroei dit dan vinnig oor vuurwarm kole.
Jy benodig • 1 kg liessteak • 2 lemmetjies • 1 lemoen • / koppie olyfolie 13 • 4 knoffelhuisies, fyngekap • 1 teelepel fyn komyn
VIR DIE ASADO-SOUS • 1 koppie pietersielie • 1 koppie koljanderblare • 3 eetlepels origanumblare • 4 knoffelhuisies, gekap • 1 groen of rooi brandrissie, gekap • ¼ koppie rooiwynasyn
OM VOOR TE SIT • 2 avokadopere, in skyfies gesny • 10 radyse, in skyfies gesny • rooiui, in dun ringe gesny • pitas of tortillawraps
Só maak jy
1 Sit die steak in ’n bak en druk die lemmetjie- en lemoensap daaroor uit. Voeg dan die olyfolie, knoffel en komyn daarby. Vryf dit in, bedek dit en los dit oornag in die yskas.
2 Maak die sous deur al die bestanddele in ’n voedselverwerker te pols. (Of kap alles fyn en meng dit).
3 Haal die vleis uit die marinade en gooi die marinade weg. Braai die vleis oor baie warm kole vir 4-5 minute aan ’n kant. Die idee is om dit goed bruin te skroei. Verwyder dit dan en laat dit ’n volle 10 minute onder foelie op ’n houtbord rus.
4 Sny die vleis teen die grein in repe – dis belangrik omdat dit help om die growwe vesels verder te breek.
5 Bedien die warm vleisrepies met die asado-sous, radyse, avokadopeer, uieringe en pitas of tortillawraps.