HOE OORLEEF DIE BLOMME?
Die blomplante van die WesKaap en Namakwaland is óf eenjarig óf meerjarig. Die eenjarige plante – dis daai plate en plate wit, geel en oranje madeliefies – is vreeslike ywerige saadmakers.
Duisende saadjies sluimer onder die grond in die warm somermaande en koue wintermaande. Hoe meer sade, hoe groter die kans dat hulle gaan oorleef. Die meerjarige plante – dis die meer statige veldblomme soos tjienkerientjees, katsterte en bergkalkoentjies – kruip vir die koue en die hitte weg onder die grond as ’n enkele bol of knol.