KASANE 101
Hoe kom ek daar? Dit is so ’n dag en ’n half se ry van Gauteng af (heelpad teerpad; jy kan met enige kar ry), maar jy kan ook direk van Johannesburg na Kasane vlieg.
Wat is die beste tyd vir ’n besoek? Winter skoolvakansies is die gewildste( bespreek vooruit ), maar elke seisoen bied sy plesiere. Hoogsomer (Desember-Februarie) is warm, maar verblyf is dikwels goedkoper.
Wat kan ek doen? Jy het minstens drie dae nodig. Gebruik een voldag om die Chobe- nasionale park te verken, en nog een om ’n dagbesoek na die Victoriawaterval te doen (bespreek dit by jou verblyfplek – jy word met ’n bussie soontoe en terug geneem). MENSE EN HUL DIERE. 1 Cecilia Jackson en Malebogo Lucas van Automaster Quality Spares kan jou bystaan met enige karonderdeel wat jy nodig het. 2 By die gewilde eetplek PPCC (Pizza Plus Coffee & Curry... en ’n klomp ander goed ook!) word jy gehelp deur onder meer Goitse Galeboloke, Motlalepula Mwezi, Lucy Kebadireng, Krishna Kumar en Kealoboga Miti. 3 ’n Kleinwitreier haas hom in die rigting van ’n padda in die Chobe.
4 Die Kazungulapont karwei voertuie en mense oor die Zambesirivier tussen Botswana en Zambië. 5 Dr. Lena Patiño van die Caracal-dieresorgsentrum met ’n groot kol muskeljaatkat .6 Dr. Sanath Muliya van Caracal met ’n Anchieta se kobra. 7 ’n Vlakvark in die middedorp.
8 Bobbejane in die Chobe- nasionale park. 9 Tshugofatso “Puff” Monyoro maak enige ding uit seil. Sy winkeltjie is by die Kasane-bushalte. 10 Tshepang Motseothata van Caracal berei ontbyt voor vir drie nagapies, twee skilpaaie en een visarend. 11 & 12 ’n Waterlikkewaan en seekoeie in die Choberivier. Die nuutste uitgawe van Weg se Botswana-reisgids is te koop vanaf 1 Oktober. Dit kos R61 en kan bestel word by winkel.weg.co.za