HET JY GEHOOR?

Slegte nuus...

Afrikapikkewyne en Weskuskrewe se getalle in Suid-Afrika se kuswaters neem steeds teen ’n kommerwekkende spoed af, het die WWF Suid-Afrika onlangs bekend gemaak in sy 2018-bestekopname van ons see-ekonomie.

Die pikkewynbevolking neem af weens minder kos wat vir hulle beskikbaar is. Buiten oorbevissing het klimaatsverandering ook ’n uitwerking: Die water word warmer en minder sout en dit laat die visspesies wat hulle gewoonlik aan ons kus vreet, verder suid trek. Krewe word minder weens hoë vlakke van onwettige en ongereguleerde vissery en swak bestuur van die vissery.

... en goeie nuus

Al twee die stokvisspesies wat in ons waters voorkom – diep- en vlakwaterstokvis – se getalle het aansienlik toegeneem en die visserye is volhoubaar – dit wys dat WWF SASSI se programme om dié spesies te monitor en te bewaar ’n positiewe uitwerking op visbevolkings het. Bron: WWF South Africa 2018 Ocean Scorecard