PADMUSIEK

R69 by Google Play

My Soul Got Stranger

deur Sannie Fox

Sannie is deel van die uitgebreide Fox-familie wat ander bekende SuidAfrikaanse kreatiewe geeste soos Justin (reisskrywer), Grethe (aktrise) en Revel (argitek) insluit.

Nadat haar eerste groep, Machineri, naam gemaak het in plaaslike kringe, het Sannie die solo-album Serpente Masjien (2015) uitgereik.

My Soul Got Stranger is haar tweede solo-album en beslis haar mees selfversekerde poging. Sannie se kitaarspel – geslyp by lewendige optredes (sy tree deesdae gereeld oorsee op) – in kombinasie met haar sielvolle stem gee die album ’n dromerige gehalte.

“Shunting Train” sal ’n glimlag so wyd soos ’n treinwerf op ’n bluesrock-aanhanger se gesig sit, “Sorrow” kon ’n verlore Amy Winehouse-liedjie gewees het (dit het ’n besonderse verwerking vir strykinstrumente) en “Darlin Plz” is die soort liedjie wat jy heeldag op die radio behoort te hoor (en wat jou sal laat dink: Dit klink soos musiek wat in die 1970’s gemaak is).

– Toast Coetzer