MET MY EIE OË
Johan en Annica van Rensburg, Groblersdal “Dit was ons eerste besoek aan die Serengeti, maar ons was sedertdien al twee keer terug om die migrasie te sien. Die Serengeti en die Masai Mara bied soveel geleenthede vir ’n verskeidenheid natuurfoto’s, veral in die migrasietyd.
“Ons het dié foto’s met ’n Canon EOS 5D Mk. II en Canon EOS 7D geneem, met ’n Canon 500 mm-lens en Canon 100-400 mm-lens.”
lovenaturephix.wordpress.com/ Instagram: @love_nature_pix
L.D. VAN ESSEN, NATUURLEWEKENNER, SÊ: “Dié gedrag is al by ander prooispesies opgemerk. ’n Leeuwyfie sal ’n wildebees se keel eers laat los wanneer sy seker is die dier is dood. Maar in dié tyd sou ’n bietjie melk al uit die wildebees se spene gesypel het en haar aandag getrek het. (As die dier vrek, ontspan die sfinkterspier wat keer dat melk uit die klierstoorplek na die speen lek.)
“Dis steeds ’n ope vraag waarom die wyfie die melk lek. Die melk word waarskynlik beskou as ’n bron van vog met voedingswaarde, soortgelyk aan die bloed wat rondom ’n karkas opdam, waaraan hulle ook sal lek.”