GREENPOINT
Jy gaan sukkel om in seisoentyd ’n stil strand langs KwaZulu-Natal se Suidkus op te spoor. Wel, Greenpoint is aan die stillerige kant...
Dié strook sand lê rofweg tussen die dorpie Clansthal, met net ’n hand vol huise, en die kusdorp Scottburgh.
Kom span hier uit en vermy Scottburgh en Umkomaas se skares. As die kinders meer aksie soek, vat hulle vir die dag Crocworld ( crocworld. co.za) toe of huur ’n stand-up paddle (bel GoSUP by
071 705 8515) en roei af met die Mahlongwarivier wat net noord van Scottburgh uitmond (dié foto). Waar? Ry van Scottburgh af noord op die R102 en draai af op Greenpointrylaan; ná sowat 600 m is ’n klein parkeerterrein links. Oorslaap Hier’s strandhuise te huur op Clansthal; kyk op lekkerslaap.co.za of airbnb.co.za.
–